Miraç Gecesi – Qırımtatar Halqnıñ Duası ve Andı

Ey Ulu Rabb’im!

Bu mübarek Miraç gecesinde qanla, sürgünle, sabırla yazılğan tarihimiznen ellerimizni Saña köteremiz!

Köz yaşımız duâdır, ahımız feryattır, ümidimiz Sendendir Ya Rab!

Sürgünnen sürgünge savrulğan, mezarsız atalarına ağlağan Qırımtatar halqını unutturma!

Toprağımıznı yad ellerniñ oyuncağı etme! Ezanlarnı susturtma! Bayrağımıznı yere düşürtme!

Ana tilimizni tilimizden söktürme! İsimlerimizni tarix sahifesinden sildirtme! Kökümüzni kesme Ya Rab!

Ey Adalet Sahibi Allah! Zulüm etkenler közyashımıznen toymağanlar Seniñ adaletiñden qaça almasın!

Bizni horlıqta yaşatma! Boynumuznı zalimlerge eğdirtme! Çünki biz — tek Saña secde etken bir halqmız!

Bu mübarek gecede, Peygamberimiz Muhammed Mustafa’nıñ (s.a.s.) Miraçtaki mukaddes adımları hürmetine bizni namazdan, imandan, istikametten ayırma!

Evlatlarımıznı vatanız qoyma! Tilimizsiz, kimligimizsiz qoyma! Duâsız nesil — ölü nesildir

Ya Rab!

Ve şimdi…

Bu kürsüden,

bu topluluqnıñ önünde,

bu mübarek gecede

Seni şahid tutıp AND ETEMİZ!

Ant etkenmen!

— Qırım’nı unutmamağa!

Ant etkenmen!

— tilimni susturmamağa!

Ant etkenmen!

— dinimden dönmemege!

Ant etkenmen!

— bayrağımnı yere salmamağa!

Ant etkenmen!

— zulümge boyun eğmemege!

Ant etkenmen!

— horlıqta yaşamamağa!

Ey Ulu Allah!

Bu antımıznı qabul et!

Qırımtatar halqını rahmetiñnen ayırma!

Nusretiñ ile dirilt!

Adaletiñ ile azat et!

Amin