Merhum İsmail Otar 1 Ekim 1911de Bursada dünyağa keldi

İsmail Otar (1911 – 2005) – belli Türkiyedeki qırımtatar milliy areket erbabı.



İsmail Otar 1911-de Bursada dünyağa keldi. Babası Ali Otar 1880-de Bağçasaray civarında Otarköyde doğğan edi. Anası Emine Otar Bağçasaraylı olğan ve 1880-de Aqmescitke köçken Mustafanıñ qızı olıp 1890-da Aqmescitte dünyağa kelgen edi.

Ismail Otar
Ismail Otar

İlk mektepni Bursada oquğan Otar 1935 senesinde İstanbulda Yüksek İqtisat ve Ticaret Mektebinden diplom aldı. Masebecilik ve masebe uzmanlığı yaptı, mesleki bazı eserler ve pek çoq maqale yazdı.

İsmail Otar Qırım Milliy Davasınıñ muaceretteki eñ müim adamlarından birevi edi. Qırım Milliy Davasında yetişmesinde Cafer Seydamet Qırımerniñ tesiri oldı.

Emel ve Qırım mecmualarında pek çoq maqalesi çıqqan Otar, Bekir Sıdqiy Çoban-zade aqqında bir kitap yazdı. “Çarlıq Akimiyetinde Qırım Faciası” (Dr. Amet Özenbaşlı) ve “Tevarih-i Tatar Han” (Kefeli İbraim Efendi) kibi qıymetli eserlerni Türk tiline tercime etti.

Şübesiz, şiirleri arasında Çibörek isimli eseri halq tarafından eñ çoq begenilgen ve meşurdır. “Emel Türk Kültürünü Araştırma ve Tanıma Vakfı”nıñ da temelci azası olğan İsmail Otar ilerlegen yaşına rağmen ğayretle eser bermege devam ete ve tırışıvnıñ sürdüre ekende 2005 senesinde vefat etti. Arqasında qırımtatarlarnen alâqalı çoq keniş bir arhiv taşladı.

Çibörek Şiiri

Ataydan kalgan bizge etli maylı kamuraş
Köbeteden katlama, lakşa, cantık, tataraş,
Sarburma, kalakay, kavurmabörek ummaş şilter,
Salma, irimçik, tabak börek, bazlamaş,
Kurma cemiş, kesmece, oguz börek, kıygaşa,
Saysan pıtıramazsın adlarını yıllarca.
En başında bunların kele kutlu çibörek.
Yüzyıllardan biyakka,bularman kaktan süyek,
Miyimize işlegen, kündük buman kesilgen
Kan bularman koyurgan, hep bularman ösülgen…
Bıdaynı biz tapkanmız:Kamuraş baş aşımız.
Aşagansayın bonu, ösetura yaşımız;
Balla, caga, kalklımız sağlam, akıllı bola,
Ne iş körse boldurmay, gene de küçlü kala
Kayaktan kelse balambir çibörek kokusu,
Uyaklarda yaşaydır bir Kırım korantası.

Çibörek pişirmege keldı ya endi sıra
Aşkanada cayuvnu cay konanın astına
Un, suv, tuzunu, karıştır, ölçülü bas kamurunu,
Kulak memesındayın bolmalı Kesmece,
Kıygaşaday bolmaz açtılgan undan katlama,
Şilterdayın açtılmagan undan yasalır hep Çibörek.
Toplaşsın kontamız endi kona başına;
Son ,sıraman otursun , herkes karap yaşına.
Bismillah depbaşlasa kartımız aşamaga,
Kimse bir şiy konuşmaz,ortaga bir lap aytmaz;
Bir kol kalabalığı körünür ;hiç toktamaz
Avuzlarman savutnun arasında katalar;
Kol işler, avuz oynar, tamaklar da cutarlar.
Sorpasını çıbırtmay ekiçik tir bir katla;
Cıllı cıllı aşayber;Çatal pışak kullanma.
Birin camla, birin cut, birin kolda azır tut;
Tirkelsin artlarından, hiç toktamay aşa cut

Her çibörek alganda kopar sakla kenarın.
Aşamayman kop desen alıp alıp sayarsın,
Ne zarar bolaken şo, beş on fazla aşalsa
Zaten şehit sayıla çibörekten kim ölse;
Çibörekmen kim össe, astalık neken bilmez;
Ülser, kanser, veremden, taşikardiden ölmez.
Aytuvlu doktur aytkan, tansiyonlu bir kartka;
-Babay, başka çare yok, çibörek kerek saga!…
Karnın avursa balam , pırasaman kabaktan ,
Ziytin maylı aşlardan ,pasulya,ıspanaktan;
Saruvun küyse kadam , kirevizden büberden ;
Havuçtan , patlıcandan, pazı, karnıbahardan;
Başın avursa ya da kelse avur bır sancı,
Dakikasında keser, çibörektir ilacı…
Bolsa eger sıprada bır kaç tane çibörek
Her bir dertge devadır, başka ilaç ne kerek
Baharda, cıllı cazda küzde ya kattı kışta
Erte carık üylede, akşam vaktında aşta
Arman başlap pıtkende üyde toyda colda
Men onsuz etelmayman çiğböreğin hep kolda
İptarlarda, temcitte bol çibörek aşasan
Raat eter kursağın, makbul bolur orazan
Er bir yerde, er vakıt aruv keter çibörek
Protein, kalori, gıdası bol mübarek.

Şükür Elamdülilla! Çibörekni aşadık.
Savlıkman bir kun ta üyümüzde yaşadık
Ramet bolsun canına, bonu ilk tapkannın.
Tanrım dert körsetmesin, koluna, pişirgennin,
Tilinne aşagannın. Sen ber bizge kop bala;
Cavlarga kun körsetme, kardaşlarnı tez körüştür.
Sen bizlerge her vakit bunday aşav kısmet et!
Alay halkımızda da toplu yaşav kısmet et !
Bizni ayırma Rabbim, yurttan hem çibörekten,
Kısmetimizi kesme bır vakıt mubarekten!…

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest