Hələ, sabaha çox var – Nazim Əhmədli

hər kol bir qaraltıdı,

hər gecə bir səksəkə;

kimsə dartır ruhumu,

şəklimi çəkə-çəkə;

            ***

içimdə səngər qışı,

çölüm qan ağlıyırmış;

ilahi, heç bilmirdim,

dağlar da laxlıyirmış;

          ***

buludlar çəkilməyib,

bir yanı uçuq qalıb;

gəldiyim göy üzünün

qapısı açıq qalıb;

          ***

qara dalğalar gəzir,

dənizin yaxasında;

dünya dağılır hələ,

fələyin yuxusunda;

         ***

kim nə çəkir, kim bilir,

hərənin öz dərdi var;

bir gecənin içində,

saçlarıma yağdı qar;

          ***

deyən, yol da uzanır,

hələ, sabaha çox var;

dağların arasından

işıldayır bulaqlar.

02.01.2021.Bakı şəhəri.

Bir cevap yazın

E-posta hesabınız yayımlanmayacak.

Pin It on Pinterest