Gəlim, qapını açım

Laçınım, otuz ildi,

dilimdə bir söz qalıb;

bir az da döz, əzizim,

gəlirəm, lap az qalıb;

*****

yuxum qaçıb gözümdən,

çox küsmüşəm özümdən;

bilirəm, dərd üzündən,

dağlar üzbə-üz qalıb

*****

həsrət düydüm üzümə,

yollar dondu  gözümdə;

könlümün göyüzündə,

buludlar bəyaz qalıb;

*****

gəlim, qapını açım,

çəkilsin, ağrım-acım;

baxma ki, qardı saçım,

canımda bir yaz qalıb;

*****

tək sevgidi, var olan,

gəlləm, sənə sarılam;

yurd yerində qaralan,

ocağımda köz qalıb.

• 

• 

30 yıldır vatanı Laçini göremeyen şair Nazim Əhmədli nin özel notu:

Bu şiiri benim yurdum laçına yazdım. Tezliklə Laçın da bizim olaçaq. Bu şiiri bir Laçın fotosu ile Kırımın sesinde yayımlasanız memmun olurum!