GenelGüncel

Fəxrəddin Əsəd – Adsız şeirlər

Nazım Ahmetli

Kırımınsesi Gazetesi

Azerbaycan Temsilcisi

Fəxrəddin Əsəd

Adsız şeirlər

Dəniz limanında,

səhərin boz dumanlığında,

uğursuz ovdan qayıdan

yorğun balıqçıya oxşayıram.

Vaqif Səmədoğlu daha çox

dumanlıqdan  çıxmış

“Venesiyalı tacir”ə.

Üzümə baxsa da

heç nə sormayıb susdu.

Elə mən də susdum,

üzə də vurmadım

onun xəyal olduğunu.

****

Öylə yorğunam,

öylə küskün,

nə zor, nə zor bilirsənmi birdənəm,

birdən-birə adam

küləyin oynatdığı çılçırağın işığında

payız havasına düşə,

bir solğun yarpağa dönə.

Döydüyü qapılarda

üzünə qara sevdanın soyuğu çırpıla!

Dur qapını bağla,

pəncərəni çəkib ört –

xatirələrim üşüdər səni!

Öylə yorğunam,

öylə küskün,

nə zor, nə zor bilirsənmi birdənəm,

birdən-birə adam

küləyin oynatdığı çılçırağın işığında

payız havasına düşə,

bir solğun yarpağa dönə.

Döydüyü qapılarda

üzünə qara sevdanın soyuğu çırpıla!

Dur qapını bağla,

pəncərəni çəkib ört –

xatirələrim üşüdər səni!

****

Uçub getdi mənim durnam,

uçub getdi, görəmmədim.

Ona isti yuva lazım,

isti yuva verəmmədim.

Hara uçub getdi görən,

o yer buradan yaxşımı?

Dalınca düşüb qalxıram

ömrün bu sərt yoxuşunu.

Hey, hey durnam, telli durnam,

eh, o harda, mən harada.

Bir səs gəldi – durna səsi,

Sönüb getdi də arada…

     ****

Bir dəlinin bir cücüylə

saatlarla oynadığı tək

öz taleyimlə oynadım

səni sevə-sevə.

Dəlini kim anlar ki,

dəlidən nə anlar ki?

Baxanlar da

üzünü çevirib gedər.

Lakin yaddaşlarda

bu sevgidən bir cücü qalar.

Və bir cücüylə

saatlarla oynayan dəli…

****

Bu nə sevda,

bu nə tale,

bu nə səsdir,

səhərəcən haraylayır –

İsaq, Musaq tapdınızmı?

Eşidənlər lap yüz dəfə,

min dəfə eşitsə də

quşdu deyə saya salmaz,

çox desək də belə qalmaz –

yazı yazan belə yazdı!

İydə ağacının altında da

Ayrılığın yox əlacı!

        ****

Kəpənəklər uçur

uşaq evinin bağında,

kəpənəklər uçur xəyal-xəyal.

Ah, nola

bir günlüyə,

bir saatlığa da olsa

tanklar, təyyarələr oyuncaq ata dönə!

Gözlərində parıltı,

içində – ürəyində

göyərçin kimi çırpınan işıq,

o qara küçüyün dalınca qaçan qızçığaz

ayrılıq xofunu unuda.

Nə düşmən onu görə,

nə fələk ona qıya.

Dodağında nəğmələr

oynaya, hey oynaya.

****

Bir mühacir həyatı yaşayıram burada,

nə gələnim, nə gedənim var.

Tanış ünvanların qatarları tək

ötüb keçir ömürdən

üzücü gün, ay.

Hərdən-hərdən pəncərəmdə gülümsəyir Ay –

bir az girdə,

bir az yumru.

Elə bil evdən qaçıb

küçədə veyillənən uşaqdı –

üzü kirli, gözləri dumduru.

****

Kimdi elə o qışqıran,

indicə oyadacaq qar quşlarını?!

Sonra da illər öncə,

O quşların dalınca qaçan uşağı…

****

Aynalar

əski aynalar deyil.

Daha çox

teatr tamaşalarını işıqlandıran

yorğun gözləri yada salır…

****

Ağaclar maddım-maddım baxır üzümə,

sentyabr səhəri yağış qoxuyur.

Mən qadağan edən gündən

səndən gələn zəngləri

qumru quşları sənin səsinlə oxuyur.

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir

Pin It on Pinterest