Dünya Qabaatsız…

Dünya bozuq deymiz, iftira taqıp,
Dünya qabaatsız, adamlar suçlı.
Eyini kendimiz etemiz taqip,
Dünyanı yaralay aqılsız kuçlü!…

Dünya bozuq deymiz, iftira taqıp,
Laleni acımay taptab keçemiz.
Dostnı aldatamız kozüne baqıp,
Şeytanğa Quyruqmız nice-nicemiz.

Dünya bozuq deymiz, iftira taqıp,
Goñlümiz umütlü baylıq balından.
Sararğan yapraqtay titreymiz qalqıp,
Uzülmek istemey dünya dalından.

Dünya bozuq deymiz, iftira taqıp,
Dünyanı tutacaq ziyakar insan.
Nefsinden orgümçek ağları toqup,
Dünyanı yutacaq ziyankar insan!…

Dünya bozuq deymiz, iftira taqıp,
Dünya qabaatsız, adamlar suçlı.
Eyini kendimiz etemiz taqip,
Dünyanı yaralay aqılsız kuçlü!…

Şeryan Ali 20.04.2007, Temeş

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest