BUVNIÑ AQQI
Bir kün Amet aqay pek aç ola, lâkin evinde qatıp qalğan bir tilim ötmeginden başqa bir şeyi yoq
eken. Ne yapmalı? Özenbaş qavehanesine kire. Baqsa qaveci qave pişire. Amet aqay barıp, ötmegini
qaveniñ buvuna biraz tuta, o az da olsa yımşağan soñ, aşap bitire ve qaytacaq ola. Şu vaqıt onıqaveci toqtata.
– Ya parasını bermeysiñmi?
– Ne içün para bereyim?
– Qavemniñ buvundan faydalanğanıñ içün.
– Buv da satılamı yoqsa?
– Dünyada er şey satıla.
Bu zaman Amet aqay cebinden beş altı kapigi olğan torbaçığını çıqarıp, onı qaveciniñ qulağıaltında janğırdata ve:
– Bunıñ sesi seniñ qave buvına aqtır, dey.
