Biologiya fənni üzrə “Healthy life Biologiy” adlı onlayne yarış keçirilib
Dekabrın 18 də S.C.Pişəvəri adına Respublika Humanitar Fənlər Gimnaziyasının Təmayül fənnləri üzrə direktor müavini Günel Vahabzadə nin təşkilatçılığı ilə Təhsil Nazirliyi tabeliyində olan lisey və gimnaziyaların VIII sinif şagirdləri arasında Biologiya fənni üzrə “Healthy life Biologiy” adlı onlayne yarış keçirilib.
VIII sinif şagirdləri arasında keçirilən bilik yarışında şagirdlər 6 komandada 6 şagird olmaqla yarışıblar. Bilik yarışının keçirilməsində məqsəd şagirdlər arasında rəqabəti gücləndirmək, istedadlı şagirdləri aşkar etmək, onların istedadlarının inkişaf etdirilməsi işini səmərəli təşkil etməklə təbiət elmlərinə maraq oyatmaqdır. Eyni zamanda yarış lisey və gimnaziyalar arasında səmərəli əməkdaşlıq mühitinin formalaşması məqsədini daşıyır.
Lisey və gimnaziyaların direktorları, direktor müavinləri, biologiya müəllimlərinin iştirakı ilə keçirilən bilik yarışında Şirvan KBTL birinci, Şəki KBTL ikinci, Gəncə FRITL komandası üçüncü nəticə göstərmişlər.
Qalib komandalar və fəal iştirakçılar Təşkilat Komitəsi tərəfindən Diplom və iştirakçı Sertifikatları ilə mükafatlandırılacaqlar.
