Bağçasarayda eki tilde tasil bergen zemaneviy mektep qurulacaq
“Rus ve qırımtatar tilinde tasil bergen mektepniñ qurucılığı balalar içün qoşma yerler yaratmağa imkân yerecek: müessisege 600 talebe qatnay bilecek. Üç qatlı bina Mira soqağında qurulacaq”, — dep, haber ete Glavgosekspertiza idaresiniñ matbuat-hızmeti.
Leyhağa binayen, mektepte çeşit fenler boyunca zemaneviy kabinetler, tedbirler içün salon ve sportzal, ustahaneler, tıbbiy blok, kitaphane, aşhane donatılacaq. Mektep yanındaki territoriyada sportiv zona olacaq.
Leyha yaratıluvında imkânları sıñırlı olğan balalarğa tasil bermek içün şaraitler de nazarda tutula.
Mektep qurucılığına “Qırım Cumhuriyeti ve Aqyarnıñ 2020 senegece içtimaiy-iqtisadiy inkişafı” adlı federal maqsadlı programmadan maliye ayırıla.
Menba : tat.rus4all.ru
