Azaq Deñizini Qullanuv Meseleleri Boyunca Muşavere Olıp Keçti
2018 senesi berim ayı (sentâbr) 3 künü Kıyiv şeerindeki Ukraina infrastruktura Nazirliginiñ binasında Nazirlikniñ Devlet kâtibi Andriy Galuşçaknıñ yolbaşçılığında Azaq deñizindeki ukrain deñiz limanlarına irişimniñ sıñırlanmasını maqsat qoyğan Rusiye Federatsıyasınıñ tecavuziy areketleri şaraitlerinde ‘‘Ukraina deñiz limanları memuriyeti’’ Devlet müessisesiniñ tehnikiy flotuna kirgen gemilerni işletüv boyunca muşavere olıp keçti.
Tedbirde Temsilcilikte halqara alâqalar hızmetiniñ yolbaşçısı Yevgen Samuha ve uquqiy talil hızmetiniñ baş mesleatçısı Ruslan Seydametov iştirak ettiler. Temsilcilikniñ fikirince, Keriç boğazını qullanuv tertibi boyunca ameldeki uquqiy-nornativ senetleriniñ yoqluğı sebebinden Keriç-Yenikale kanalından keçüv Ukraina bayrağı altında yaldağan ve Ukraina devletine ait olğan gemiler içün Qırımda RF işğalci akimiyeti ve sanktsıyalar altında bulunğan teşkilâtlar ile munasebette bulunma imkâniyetini yarata ve ciddiy adliy ve siyasiy telükelerge ketire bile. Ukrainanıñ milliy havfsızlığı içün bu pek muim meselelerni semereli siyasiy-uquqiy vastalarnen çezmek içün olarnı Ukraina Ükümetiniñ ve Ukraina milliy havfsızlıq ve mudafaa Şurasınıñ diqqatına taqdim etmege teklif etildi.
