AXDAR MƏNİ

Gedirəm nazlı yarım,
Utanc olubdu varım,
Yuxusundan qurdlarım,
Duranda axdar məni.

Gözüm görmür bir kəsi,
Üstdə düşmən kölgəsi,
Cıdırda təbil səsi,
Vuranda axdar məni.

Xatırlasam cəddimi,
Düzəldərəm qəddimi,
Əmirimlə əhdimi,
Quranda axdar məni.

Qisası yağıdanda,
Alıb qan axıdanda,
Sədləri dağıdanda,
Qıranda axdar məni.

Bu yurd mənə nənnidi,
Nənnim yaman qəmlidi,
Yerim, yurdum bəllidi,
Turanda axdar məni.