Reşat Ametov Qırım İşğalcilerniñ qolunda ilk qan
«Fevralniñ 26-sından 27-sine keçer gecesinde Qırım Muhtar Cumhuriyeti Yuqarı Radası ve Qırım Nazirler Şurası binalarınıñ zapt etilecegini kimse beklemey edi. Binalar silâlı adamlar, ayırıcı belgileri olmağan adamlar tarafından qamaçavğa alındılar. O andan başlap, insanlar nasıldır şaşqın alda ediler»,
O vaqıt biñlernen adamlar, öz noqtai-nazarını ve Ukrainağa ait Qırımnı qorçalamaq içün soqaqlarğa çıqtı. Özüniñ Ukrainağa qol tutuv noqtai-nazarını ifade etmek niyetinen bir kişilik piketke çıqmaq içün yalıñız bir kişide – Reşat Ametovda cesareti yetti.
2014 senesi mart 3 künü. Rusiye işğaliniñ birinci künleri. Reşat Ametov Qırım ükümetiniñ binası yanına bir kişilik piketke çıqtı. Tamam o vaqıtta kamuflâj uniformalı belli olmağan şahıslar, faaliyetçini yaqalap, zornen maşinağa alıp kettiler.
Şimdi onıñ üç balası babasız öseler.
