Ukraina Prezidentiniñ Yuqarı Şurağa ananeviy muracaatında Qırım mevzusı
2018 senesi berim (sentâbr) ayı 20 künü Ukraina Prezidenti Petro Poroşenko Ukraina Yuqarı Şurasına ‘‘2018 senesi Ukrainanıñ içki ve tışqı vaziyeti’’ boyunca muracaatta bulundı.
Petro Poroşenko , bazarertesi künü o öz Emirinen Ukraina havfsızlıq ve mudafaa Şurasınıñ sözde dostluq aqqında Rusiye ile añlaşmanıñ toqtatıluvına bağışlanğan Qararını amelge keçirdi. Anayasadan Ukrainada Qaradeñiz flotunıñ yerleşüvini mümkün etken maddelerni alıp taşlamağa teklif etile. ‘‘Qırımnı qaytarğan soñ, Aqyardan Rusiyeniñ arbiy bazasını da alıp taşlarmız’’, – dep qayd etti.
Ukraina Prezidenti öz Muracaatında Ğarp Rusiyeniñ istilâsına azır olmağanını, onıñ içün Qırımnıñ işğaline birinci cevabı pek zayıf ve tişsiz olğanını qayd etti. Aynı vaqıtta, Petro Popoşenko aytqanına köre, Rusiye tarafından Qırımnıñ ilhaq etilüvnen ve Donbasnıñ işğal etilüvnen bağlı olğan sanktsıyalar, bundan soñ saylavlarğa kirişüv ya da Solsberideki himiyeviy ücümge cevap olaraq qabul etilgen sanktsılayarğa köre pek yumşaq olğanına bazı insanlarımıznıñ canları ağıra. Amma, basqa taraftan, Moskovağa qarşı sanktsıyalar endi yalıñız Ukraina ile bağlı degil, bu ise Rusiye tek bizim problemamız degil de, bütün medeniy dünya içün havf yaratqanını isbatlay’’, – dep qayd etti .
Ukraina Prezidenti öz Muracaatında qayd etkenine köre, Rusiyeniñ Ukrainağa ücümi Qırımnı ilhaq etüvnen başlandı ve onıñ qaytarıluvınen de bitmeli, bütün zararlar ödenmeli ve bu sefer istilâ bir kere daa tekrarlanmayacağına kefaletler berilmelidir. Ukrainanıñ topraq bütünligi tiklenmeden Kremlge kösterilgen bir de bir kerilemeler – bu mağlübiyettir, uqunıñ ve azatlıqnın yeñilmesidir, demokratik Avropanıñ mağlübiyetidir. ‘‘Duşmanımız mında yalıñız Qırım ya da Donbas içün degil de, bütün Ukrainanı zapt etmek içün kelgenini unutmayıq. İmperiya Ukrainasız yaşap olamaz. Onıñ içün, sözde razılaşmanıñ sıñırı qaydan keçecek – Donetstenmi, Dniprodanmı, ya da taa Zbruçtanmı’’? – dep soradı Ukraina halq deputatlarından Petro Poroşenko.
