Facebookda yoxlamalar,tıklamalar və rəylər

Söz düşəndə bir məsələ barədə,

Çoxu deyir gərək mən də tıklayım.

Düşünmürlər səhv tıklama əməli

Söz-söhbəti ola bilər ilin, günün, bir ayın.

***

Bəzən başlıq adamı tez çaşdırır,

Yazılanı başlarına uçdurur…

Üzə çıxar bir yazıda on qüsur…

Yazınızı diqqət ilə yoxlayın.

***

Yazılara münasibət bildirin,

Demirəm ki, özünüzü güldürün.

Bəlkə xəbər xəbəridir bildirin,

Heç olmasa bircə sətri qoxlayın.

***

Atı görüb, deyirsiniz, bəyəndm,

İti görüb,deyirsiniz,  bəyəndim…

Ay qardaşım, ay xaloğlu, əfəndim,

Burda nə at, burda nə it?…Toxdayın…

***

Mən yazıram, ayıldıram yatanı,

Yeri, göyü xorultusu tutanı.

Siz yazandan yazımdakı iz hanı?

Yavaş!…Yavaş!…Əlinizi saxlayın!

***

Lazımdırsa, əgər sizin səsiniz,

Onda, bəli, dayanmayın, tıklayın.

Yoxsa əgər, bir sözünüz , bəhsiniz,

Əlinizi çənənizdə saxlayın.

***

Nazim Nəsrəddinov

Bakı

24.10.2019.