Safure Kadjametova’dan Qadınlar aqqında 10 şey

Qadınlar aqqında bütün aqiqat

(‘Maarifçi’ qırımtatar maarif hadimleri assotsıatsıyasınıñ reisi)

Er bir qadınnıñ öz erkek idealı bardır. Amma erkek cesür, işançlı, merametli, cümert, muvafaqiyetli olmaq kerekligi şübesizdir.
Erkek muvafaqiyetli olmasa, bu al vaqıtnen adet olıp qala.
Qadınğa nisbeten qabalıq, er türlü ğarezlik qadında erkekke qarşı nefret duyğularını doğurta.
Qadın eñ-evelã itaat ve onı añlağanlarında muhtacdır.

Erkekniñ yüregine alıp ketken yol onıñ aşqazanından keçe degenleri er kesge bellidir , amma er vaqıt doğru degildir.
Erkek çiçek bağışlasa, sözlerniñ aceti qalmay.

Aqıllı qadın erkekke bir vaqıt ‘toñqa’ demez ve imkãnı olmağan şeylerni talap etmez. Yoqsa erkek onen razı olğan ve onı diñlegen diger bir qadın tapar.

Qadın belli bir yükseklerge yetse bile, işançlı destekke muhtactır.
Qadınlarnıñ eminligi, qararnen olsa, erkeklerni celp ete. Aqiqiy qadın bunı unutmaz, bu onıñ küçü ve ikmetidir.

Erkeksiz yaşay bilecek dep tüşüngen qadın yañlışa. Amma aynı tüşüngen erkek daa beter yañlışa. Bu bizim belãmız, amma aynı zamanda da, bir özümiz yaşap olamağanımız- o bir bahttır.

Qırımdaki milliy tasil aqqında laf etsek, ilk aqılğa kelgen isimlerden biri Safure Kacametovadır – oca, maarifçi, cemaat erbabı, “Maarif” assotsiatsiyanıñ reisi, qırımtatar tilinde tasil küreşçisi. Safure ocanıñ ğayretleri sayesinde vatanğa qaytqan soñ, qırımtatar tilinde tasil bergen bir çoq mektep açıldı. Safure oca bu künleri 70 yaşını qayd ete! Hayırlı yaşlar olsun! Uzun ömür, sağlıq-selâmetlik, bahtlı yaşayış, yapqan işlerde muvafaqiyetler tileymiz!

Memba: https://avdet.org/tr/2021/02/02/qadinlar-aqqinda-10-sey-safure-kacametovadan/