Qırımtatarlarınıñ Vatanğa Avdeti Böyle Keçti (Foto)
Qırımtatarlarınıñ Vatanğa avdeti böyle keçti.
1990 senesi Qasım ayında qırımtatar halqı Aqmescit merkezinde Lenin meydanında açlıq protesto keçirdiler. 10-15 adam “Açlıq grevi” yazısı ile kurdele taqıp Lenin heykeli altında otura ediler.O vaqıt on biñlerce qırımtatar sürgünden Vatanına qayta ediler.Olar bir vaqıt çıqqan evlerinde yaşağan adamlarnen tartışmağa kirmege istemeyip o vaqıttaki hakimiyetinden yañı evler qurmaq içün bir pay topraq talap ettiler.Hakimiyetiniñ sessizligi açlıq ilan etkenlerine sebep oldu.
OMON protestocularnı halqağa sarıp olarnı sopa ile urdular.
Bundan soñra açlıq etken qırımtatarlardan birisi gazetecini yañı qırımtatar köyge alıp ketkende yol ortasında birden arabanı tezleştirip sandraqlamağa başladı.Meger ise açlıqtan halüsinasyonlar körgen.Ne ise ki yanında oturğan qız arqadaşı onu toqtamağa qandırdı.Özüne kelgen soñ yolunu devam ettiler.Simeiz civarında yerleşken qırımtatar köyü daha çoq quşatılğan qalege oşay edi.Etrafı tikenli teli ile sarılğan yañı qurulğan evlerde “Molotof” kokteyli şişeleri saqlı edi.Her kes OMON basqısını bekley edi.Suvdağ aqaylar toplanıp ve benzin hazırlap eger olarnı topraqlardan quvmağa tırışsalar özünü yaqmağa Qur’an tutup ant ettiler. Bu sadece bazı facialı sahneler, qıymetli oquyucular.Halqımız Vatanğa qaytıp döner eken nice sıqıntılarğa,zorluqlarğa dayandı.
