Qırım’da Qırımtatar Ana-Babalar Birleşti
Qırım’da qırımtatar ana-babalar birleşti.
Facebook sayfesinde peydah olğan malumatqa köre işğal olunğan Qırım’da qırımtatar ana-babaları “Ana-babalarınıñ teşebbüsü” bütünqırım teşkilat quruldu.
Qırım’nıñ çeşit bölgelerden toplanğan Vatandaşlarımız mekteplerde oquğan balalarınıñ ana tilde tahsil alma haqqını,qanun deñişimini,mekteplerde balalarğa psikolojik basqını yapılmaması,haqsılıqqa oğrağanlarğa huquqi yardım verilmesi nezareti içün toplanğan ana-babalar konferansta bu meselelerde müzakereler keçirdi. Dilaver Zindinov ve Bekir Teyfuqov bütün ana-babalarını evlatlarınıñ layıq tahsil alması ve olarnıñ haqları etrafında birleşmege çağırdı.Emine Avamileva huquqqoruyucu olaraq qanun meselerinde tanışmanlıq yaptı. Şaire Emine Üseinova şiirleri ile programını yaraştırdı.
Aslında herbir ana-babanıñ yapması kereken şey öz evladını bir milli birey olaraq yetiştirmesinde yardımcı olacaq bu leyha inşallah hiç kimseni pervasız qaldırmaz ve milletimizniñ birligine sebep olur.
Къырым’да къырымтатар ана-бабалар бирлешти.
Фаджебоок сайфесинде пейдах олгъан малуматкъа коре ишгъаль олунгъан Къырым’да къырымтатар ана-бабалары “Ана-бабаларынынъ тешеббюсю” бутюнкъырым тешкилат къурулду.
Къырым’нынъ чешит больгелерден топлангъан Ватандашларымыз мектеплерде окъугъан балаларынынъ ана тильде тахсиль алма хакъкъыны,къанун денъишимини,мектеплерде балаларгъа псиколожик баскъыны япылмамасы,хакъсылыкъкъа огърагъанларгъа хукъукъи ярдым верильмеси незарети ичюн топлангъан ана-бабалар конферанста бу меселелерде музакерелер кечирди. Дилавер Зиндинов ве Бекир Тейфукъов бутюн ана-бабаларыны эвлатларынынъ лайыкъ тахсиль алмасы ве оларнынъ хакълары этрафында бирлешмеге чагъырды.Эмине Авамилева хукъукъкъоруюджу оларакъ къанун меселеринде танышманлыкъ япты. Шаире Эмине Усеинова шиирлери иле програмыны яраштырды.
Аслында хербир ана-бабанынъ япмасы керекен шей озь эвладыны бир милли бирей оларакъ етиштирмесинде ярдымджы оладжакъ бу лейха иншаллах хич кимсени первасыз къалдырмаз ве миллетимизнинъ бирлигине себеп олур.
