Nogay Elim – Ногай Элим

Nogay Elim.

Topıragıng közel sening,
Yennet sende yaşavım,
Bavırlarıng baa maga,
Baldan tâtli kırlarıng.

Sav köngilim saga aştım,
Sen sıyasıng işine,
Men şe saga sıyalmayman,
Kanmaganday dertime.

Kögölening keng töselgen,
Turğan sıluv kiyizler.
Âdetlerin berk ıslağan
Bizde nogay âdemler.

Yas-ûykendi iygi sıylav
Kalğan uzak ömirden,
Yas kişkeydi bavırlavı
Ûzilmeydi âr kimnen.

Zangıraydı nogay yırlar
Bayramlarda, toylarda,
Esitile olar bavda,
Yarasıklı toğayda.

Topırağıng közel sening
Menim yalang yanımda,
Dunıyada yok bir sendey-
Bolğan yennet yaşavda.

Ногай Элим.

Топырагынъ коьзел сенинъ,
Еннет сенде яшавым,
Бавырларынъ баа мага,
Балдай таьтли кырларым.

Сав коьнъилим сага аштым,
Сен сыясынъ ишине,
Мен ше сага тоялмайман,
Сен канмайсынъ дертиме.

Коьгоьленинъ кенъ тоьселген,
Турган сылув кийизлер.
Аьдетлерин берк ыслаган
Бизде ногай аьдемлер.

Яс-уьйкенди ийги сыйлав
Калган узак оьмирден,
Яс кишкейди бавырлавы
Уьзилмейди аьр кимнен.

Занъырайды ногай йырлар
Байрамларда, тойларда,
Эситиле олар бавда,
Ярасыклы тогайда.

Топырагынъ коьзел сенинъ
Меним яланъ янымда,
Дуныяда йок бир сендей-
Болган еннет яшавда.