LERMONTOVNIÑ “NİŞİY” ŞİİRİNE BİR TAQLİD

Qutsal mabet qapusında,

Açlıq, suvsız ve azaptan,

Can çekişken bir qart adam,

Sadaqa tilenip turğan.

*****

O, tek bir ötmek istegen,

Baqış accı tolu eken,

Bir insafsız taşnı qoyğan,

Onıñ uzanğan eline.

*****

Halqıñ böyle bekler eken,

Birlikke, irfanğa muhtac.

Yalancı söznen aldatma,

Fitne ve fesatlıqtan qaç.

*****

Zaman – halq içün yaşamaq,

Kerek olğanda – can bermek.

Milliy ruhunı saqlamaq,

Bütün dünyağa bildirmek.

*****

Öyle bir mefküre lâzım,

Künlük dertler unutılsın.

Cedit nesil uyanaraq,

Geraylar ruhu tirilsin.

Muhamed Ali Sulaymanov 30.12.2017.