Elbet Qaytacaqmız !
Selam aleykum qıymetli dostlar!
Biz bir ailemiz unutmañız: Müslüman,Türk, Qırımtatar ailesimiz. Keliñiz biri birimizge qardaş kibi baqıp Yüce Rabbimiz emretken “Selam aleykum” tilegimizni aytayıq!
El elge verip bir Ana toprağımıznı sarayıq. Bunu añlap olmasaq vay halımızğa. Yoq olacaqmız.
Biz Qırım’ğa qaytqanda imkanlarımız nedir diye tüşünmedik.O haqlı bu haqlı dep tüşünmedik.Bir birimizni “satqın” dep adlandırmadıq.Birleşik bir küç,bir yümrük edik.
Zorluq çeksek,tehlükede olsaq da bir fikirnen yaşay edik ve bundan asla şüphemiz yoq edi- BİZ QAYTACAQMIZ!
50 yıl Vatanğa qaytmaq içün küreşip,nice qurbanlar verip şimdi mi teslim olacaqmız Ey, küçlü millet.
Ğayemiz nedir: qursağımıznı mı toydurmaq yada Vatanımızda kerçek sahip olmaqmı. Qırım’ımıznı ona buna teslim etip bir tenbel dayın qorqup yaşacaqmızmı şorbacığa baqıp. Varsa bir itirazıñız,kelişmese noqta-i nazarıñız Allah rizası içün sevip sayıp añlatıñız.Bizge aslında yabancı tilde tefsirler yazıp masqara olmañız.Biz sağır degilmiz ki.Elbette qarşılıqlı eşitilmege kerekmiz.
Biz bir ailemiz unutmañız: Müslüman,Türk,Qırımtatar ailesimiz. Keliñiz biri birimizge qardaş kibi baqıp Yüce Rabbimiz emretken “Selam aleykum” tilegimizni aytayıq! El elge verip bir Ana toprağımıznı sarayıq. Bunu añlap olmasaq vay halımızğa.Yoq olacaqmız.Kerçekten de.Razısıñızmı buna?
