AYTINIZ…18 mayıs 1944 nı…
Aytınız, kokten kelgen „kutsal” avalar,
Aytınız bulutnı yaratqan qarlı avalar,
Aytınız qar – cavun bolıp tuşken parşalar,
Qorqmadan, aytınız, aytınız qorqmadan!
*****
Aytınız topraqnı carıp şıqqan duyğular
Koklerge tırmaşıp baylanğan sırlar
Dağnı ırıtken, denıznı cütqan şayınşuvlar
Surgunnı bıldırınız temızlengen gunalar!
*****
O kunı tatarlar kuneşnı kormegen
O kunı tatarın üyünde aş-su pışmegen
O kunı qundaqta bala osmegen
Dünyadan, aqırdan, yardım kelmegen…
*****
Surgun kunınde, er tatar üyunde
Askerler qapını aşıp kırgende
Okırgen sesmen quvulmaq emırınde
Surgunnı aytqanlar er tatar üyünde…
*****
O sene, Alla’m, korılmez surgun
Milletler coq bola, aqırzaman o kun
Tatarlar koreler can qıyğan bır surgun
Qırım’ ın milletı kordı yamanlı surgun…
*****
Onsekız mayısta boldı en yaman surgun
Qırım’nın toprağı çiyneldı, milletı surgun
Berlinde olgenın abayın rus ettı surgun
„Geroy babası aydaldı – vahşice, surgun!
*****
1944 onsekız mayıs surgunu Qırım’da
Qalmadı tatarnın ızı bo şanlı topraqta.
Qaberler ketmedı duşmandan dostqa
1944 onsekız mayıs kunu tuvğanda…
*****
Yarıdan kobı milletın bo colda oldı
İnsanlar şurudı, şeşekler qurudı, soldı
Vatanım toprağı tatardan boşaldı
Milletım candı, milletım vatansız qaldı!
Milletım candı… bız vatansız qaldıq…
Guner Akmolla 30 Nisan 2016
Not: Bız surgunnı 1990 dan son tuydıq. 1993 te yazdım ilk şiirımnı bo konuda: „Yuz altmış bır sene
bolğan Giray-ların songenı / Mezarlarda otlar osken, kesılgen ezan ses!” …
