Avropa Birligi devletleriniñ Rusiyege qarşı sanktsiyaları
2018 senesi ilk qış (dekabr) ayı 5 künü ”Yañı Avropa” Merkeziniñ teşebbüsi ile ”Rusiyege qarşı sanktsiyalar meselesinde Avropa birdemligini nasıl tutmalı?” mevzusında tögerek masa olıp keçti, tedbirde RF qarşı sanktsiyalarnı uzatuv, bu cümleden sanktsiyalarnı avtomatik şekilde uzatuvnıñ qanuniyligi, AB aza devletleriniñ Rusiyege qarşı sektoral sanktsiyalarnıñ uzatıluvı boyunca fikirleri beyan etildi, Rusiyege qarşı sanktsiyalarnıñ ve cevap olaraq Rusiye qabul etken sanktsiyalarnıñ Avropa Birliginiñ iqtisadiyatına tesiri bounca infografika ve Rusiyege qarşı sanktsiyalarnıñ neticesi boyunca bir sıra taliliy izaatlar taqdim etildi.
Tedbir esnasında 2018 senesi ilk qış ayı 13 künü Avropa Şurasınıñ toplaşuvını keçirip, AB aza devletlerine RF-na qarşı sanktsiyalarnıñ devam etilüvi ve quvetleştirilüvi meselesini muzakere ettirmekniñ imkânı baqıldı.
Tögerek masada Temsilcilikteki halqara alâqalar hızmetiniñ baş mesleatçısı Valeriya Pahomova iştirak etti.
