Ay yıldızlı ve Tarak Tamgalı Kök Bayraq köteremiz
Qırımtatar halqınıñ yüreginde yañı bir yara peyda oldu. Rusya Federasyon ansızın Vatanımızğa kirip yaşağan tınç hayatımıznı bozdu kene düşmanğa tirenmege mecbur etti. 2014 senesi qırımtatar halqı içün kerçekten de stres ve facia ile tolu edi.
23 Şubat 2014 künü eminliknen Noman Çelebicihahan anma ve aynı zamanda Avromaydan vaqialarnı desteklegen miting keçirip endi eki künden (26 Şubat 2014) Ukrayna topraq bütünlügü qorçalamaq içün daha bir büyük mitingge çıqtıq. Erkekler mitingte eken qadınlar televizyonda canlı yayın izlep közyaşlarnı töke ediler meraqtan. Aman aman bitti atlattıq derken ertesi künü “Yeşil adamçıqlar” sinsice Vatanımıznı bastılar,Rus tanklar kirdi şeherlerge. Her kes şokta eken olaylar ilerlemege başladı.Elimizden kelgenini yaptıq: Yollarda eylemler tüzenledik,dünya cemiyetine müracaat ettik.Keşke daha fazlası kelebilseydi.Biz Vatanımız’ğa savaşqa hazırlanmaq içün degil,tınçlıq ve dostluqta yaşamaq içün keldik ki.
Buna baqmadan mart 16 sahte referandum yapılıp 21 Mart künü Rusya Federasyonnuñ Cumhurbaşqanı Vladimir Putin Qırım’nı Rusya’ğa bağlağan fermanını imzaladı.İşte o künü biñlerce qırımtatarnıñ yüregi parçalandı,eski yara sızlap başladı.
Çünkü aynı öyle acı kün bizim atalarımız 1783 senesi ilk Qırım ilhaqında yaşadı.Ve o künü atalarımız közümüz ögünde canlandı. Olar ne his etkenini añladıq. Keçmiş dersmiz bar eken biz aynı hatanı yapıp başladıq. Qorqtuq,küçümüznü zor topladıq,bazı vatandaşlarımız dayanmayıp öz Ana toprağını terk etti. Ama kimisi aksine toparlandı ve daha büyük ğayret ile küreş yolunu devam etti. Ebet şehitlerimiz da oldu, qaçırılğanlar da. Ama umumen alğanda halqımız yüzünü qarartmayıp inadına yaşay ve inkişaf etmege tırışa.
Ötmek parçalanıp, loqma alına ketirilgen soñra yutula. Birlik olğan bir milletni yeñmek mümkün degil. Ay yıldızlı ve Tarak Tamgalı Kök Bayraq köterken Başka bayraq tanımağan aziz milletimiz! İleride güzel kelecegiñ var! Nice zalimler kelip ketti,biz ise barmiz ve bar olacaqmiz!
Şan-şerefler Qırımtatar halkına! Bin yaşasın halkımız!
Dünya Kırım Tatar Derneği
