SARI TÜLPAN

Noman Çelebicihannıñ “Sarı tülpan” şiiri

İlk baarni mücdelegen sarı tülpan,

Bare böyle solmasaydıñiç bir zaman.

Güzel yosma ğonceñ ile endamıñı

Er kün sever, öper edim sayğılarman.

*****

Göñlümizni hoşlandırdıñ, sarı tülpan,

Men de seni elden, yelden qızğanırman.

Uzaqlardan, kökten, yerden çoq süyemen,

Küneşlerniñ, yıldızlarnıñ közü yaman.

*****

Sarı tülpan, bağçamıznı şeñlendirdiñ,

Pek az zaman qırıq göñlüm eglendirdiñ.

Yarın sen de qırılacaq, öleceksiñ,

Ölecekseñ, bu dünyağa niçün keldiñ?

Noman Çelebicihan

Fotoğraf qave.tv.com