Qırımtatar halq bayramları ‘Yavur yüzü’
Qırım ve Romaniyada Hristianlarnen bir arada yaşağan Qırımtatarlar paskalyanı özüniñ adetlerine yavur yüzü dep avuştırğanlar. Adından da añlaşılğanınday miladiy taqvimge köre yüzünci künde, Aprel ayınıñ birinci aftasından soñ paskalyanen aynı vaqıtta olur.
Yavur yüzünde qırğa ketip, yüksekçe yerlerden tomalanır(avurlığım yavurğa bolsun dep aytılır), yımırtalar boyanır, qalaç (qolaş olaraq da belli) degen börekler pişirilir ve quşaq küreşleri yapılır. Yaşlarnen qızlar ep beraber yırlar aytıp eglenir.
Къырымтатар халкъ байрамлары ‘Явур юзю’
Къырым ве Романияда Христианларнен бир арада яшагъан Къырымтатарлар паскальяны озюнинъ адетлерине явур юзю деп авуштыргъанлар. Адындан да анълашылгъанындай миладий такъвимге коре юзюнджи куньде, Апрель айынынъ биринджи афтасындан сонъ паскальянен айны вакъытта олур.
Явур юзюнде къыргъа кетип, юксекче ерлерден томаланыр(авурлыгъым явургъа болсун деп айтылыр), йымырталар бояныр, къалач (къолаш оларакъ да белли) деген бореклер пиширилир ве къушакъ курешлери япылыр. Яшларнен къызлар эп берабер йырлар айтып эгленир.
