Refat Veliullah camisinde cuma vaazlar qonuşuldu

İşğal olunğan Qırım’daki Qarasubazar şeherindeki Refat Veliullah Cuma camiisinde din cemiyeti ve şeherniñ qartları ile körüşüv olup keçti. Toplaşuvada şeherde ve bölgedeki camillerde Cuma künleri vaaz ve hutbeler tek qırımtatar tilinde degil rus tilinde de olsun degen mesele müzakere etildi.Din cemiyeti ve ayrıca qartlar bu meselege pek ciddi baqalar ve camiide dinimiznen bağlı bütün ibadet ve merasimler qırımtatar ana tilimizde olmaq kerekligini bildirdiler.Ana tilini bilmegenler,birinciden onu ögrenmek kerekler degen fikir bildirdiler. Qayd etmeli ki paylaşımğa yorum yapqanlar elbette ana tilimizde olğanı kerekligini tasdıqladılar.