Çatırdağ Seferi Ecdatlarımıznıñ Hatırası Öz halqımızın Yüreginde
Çatırdağ Seferi Ecdatlarımıznıñ Hatırası Öz halqımızın Yüreginde
Çatırdağ seferi Unutmağan halq yaşay!
Bu sefer, halqımıznen beraberlikte ecdatlarımıznı duvanen añmaq içün mühim bir imkândır. Çatırdağ’da keçirilgen bu manevî toplantı, tarihımıznı unutmamaq ve nesilden nesilge ötkerilmesi içün büyük ehemmiyet taşıy.
Eminliknen aytıp olamız ki, zemane gençlerimiz 1944 yılınıñ iç kimseni pervasız qaldırmağan o ağır künlerini bile ve hatırlay. Bu hatıra, halqımıznıñ birlik ve dayanışmasını kuvvetlendire, milliy şuurunı daha da pekiştire.
Ecdatlarımıznı añmaq – bu sadece geçmişni yâd etüv degil, belki de kelecek içün bir ders ve yol köstermedir.
Kırım Tatar halqınıñ an’aneviy Çatırdağ seferi devamiyligini coymağan müim bir milliy adise olıp qala. Bu sefer tek bir tırmanış degil, aynı zamanda halqımıznen beraberlikte ecdatlarımıznı duvanen añmaq imkânıdır.
18 Mayıs 1944 Kırım Tatar Sürgün ve Soyqırımı qurbanlarınıñ hatırasını ebediyleştirmek maqsadınen teşkil etilgen bu yürüş, milliy birligimizniñ eñ küçlü timsallerinden biri sayıla. Dağ zirvesine doğru atılğan er bir adım, sürgünlikniñ ağır yollarında can bergen atalarımızğa bir sayğı nişanesidir.
Eminliknen aytıp olamız ki, zemane gençlerimiz 1944 yılınıñ, iç kimseni pervasız qaldırmağan, o ağır künlerini bile ve hatırlay. Genç nesilniñ bu kibi merasimlerde faal iştirak etmesi, milliy hafızanıñ nesilden-nesilge keçkenini ve Kırım Tatar ruhınıñ sönmegenini bir keregine isbatlay.
Zirveye barıp yetken katılımcılar, vatan toprağınıñ eñ yüksek noqtalarından birinde ellerini duvaya köterip, şehitlerimizi rehmetnen añdılar. Bu kibi faaliyetler, halqımıznıñ öz keçmişine saip çıqqanını ve vatanımız Kırım’da öz kimligini qorumağa devam etkenini bütün dünyağa köstere.
Qırım qırımtatar ulu mütefikkiri İsmail Bey Gaspıralının yazğan bir şiiri.
ÇATIRDAĞ
Buña “Yeşil ada” derler, yüce maali Çatır Dağ,
Bunıñ bir tarafı çöldir, bir tarafı bağça-bağ.
Kelir suvlar yaylalardan, ne güzeldir boyları,
Altın aşlıq tarlaları, qozuları qoyları.
Öter quşlar saba-aqşam, olur yazda gülistan,
Er ne taraf göz ederseñ altın aşlıq, bağ-bostan
Pek güzeldir ab-avası, yay ve cay, cay ve yay,
Şeerlerniñ eskileri – Qarasuv, Bağçasaray.
Dop-dolu edi halqımızla Yeşil ada bir zaman,
Az degildi yurtumızda Manla-Batır, qaraman.
Zeval keldi, yurt bozuldı, qaç ve köç aldav ile,
Gitti halqlar, keldi yadlar başqa al ve dil ile.
Unutmañız çocuqlarım, Qırım siziñ vatandır,
Saip oluñız bu vatana çalışıp edep ile.
Buña “Yeşil ada” derler, yüce maali Çatır Dağ,
Bunıñ bir tarafı çöldir, bir tarafı bağça-bağ.
