KIRIMTATAR DESTANI – Güner AKMOLLA
KIRIMTATAR DESTANI
Kara Denız, Kara Denız,
Senı süygen ecdadımız
Kırım degen Cürt kunagın ,
Saldık tarihlerge altın.
Giray adlı meşhur hanlar
Dunya tarihınde barlar.
Karpatlarda ot otlatıp,
Tuna ustu kayık salıp,
Tatar kolı bolgan denız !
Yedi yüznun otuzunda
Bilge Qağan tarih yaza
Otuz tatar,dokuz tatar,
Yetmış binden kabile bar.
Kaşğarlının kitabında
Alaymızga turk dep ayta.
Thomsen,Pittard bıznı yazğan
Deşt-i Kıpçak ad salınğan.
Ta kaş yerde hanlık kurğan.
Destan,gazel,ana tılı yarata,
Putun millet şın aytmaknı uydura.
Oz tılımde milli durku şalaman
Ayu Taudan ,Yalta’ğada baraman.
Medresege zıncır sala Giray – han
Tercüman’nı Gaspirali şığarğan.
Tabiyat,bılgı,ornek bolıp aytılgan.
Onuşuncü asırlarda tılımız bek tanılğan,
Kırımtatar edebiyatı o zamanda kurulğan.
Kırım, Kırım, Yeşıl Ada,
Şiir yazgan han sarayda.
Qazan, Qırım ve Astrahan
Altın Ordu dep aytılgan.
Yarım dunya onqı bolğan
Altın Ordu Devlet kurğan…
At koşısı, kureş,bayram,
Tatarlardan dunya qorqqan.
Doquz tatar şay cayılğan !
Eskı Kırım,Bakçesaray,
Al kelyatır bızım alay !
Butun dunya oga karay !
Ustundekı zırk caltıray,
Atı şabışmadan turmay,
Ya Akmesçıt,Yalta, Kezleu
Koy, qasaba,Tanrı tızeu.
Qalkımızın colı kolay,
Dunya şımdı bızge karay !
Bırlık millet şay keneşe,
Altın Ordı Çın’ge cete !
Kırım,Kazan ve Astrahan,
Moskova’ga korkı salgan.
Devlet Giray ot caqqanda,
Moskova’nı qorqıtqanda,
Toban canıp atlağanda…
Ekı cenknın arasında
Medresenı han aştıra !
Şeer ose, qasabalar,
Koyler yasay bayram toylar !
Camı,şeşme, mektep aşa,
Tatar halqı oqup arta.
Sayalmaymız asırlarnı,
Etraf millet artta qaldı…
Barış bola, anlaşmalar,
Cenkte zafer qazanalar!
Ay tatarlar,ay tatarlar!
Polon,leton,asker ala,
Moldova’ga Ştefan şakıra !
Tatarlarman zafer bola !
“Cenılmegen” dep aytıla !
Paris,Viena,qorqı tuya !
Pomeşikler koy toplaylar,
Fakir tatar şay cılaylar,
Azamatlar ete yardım,
Qırım pıte,pıte Kırım !
Bin yedı yüz seksen uşte
Şahingiray tahttan tuşe.
Potemkinler qılıştan geşıre
Caş tatarlar qılıştan geşe.
Şeer sone,qasabalar,
Cürttan kaşa,vay,tatarlar !
Hak,hüriyet alınğanda,
Namus,tarla,satılğanda,
Qayda qaşsın millet,qayda ?
Dobruca’ga yerleştıler
Turkiye’ge kop kettıler !
Putun dunya kordı bonı,
Acımadı…acımadı…
Dobruca’nın koylerınde,
Kırım dertı otmeklıkte
Tatar bekliy kurtuluşnu
Oz Vatanğa qavuşunı
Şo Kırım’da bayram kunı!
Bin sekız yüz yetmış sekız,
Turkiye’ge ta koşemız !
Bin dokuz yüz onekıde,
Tatar koşe,koşe kene !
“Zengın bolsan,bo dunyada,
Uş koşude pıter para !
Degen ata sozu bızge !
Koşmelermen millet uzule,uzule
Cıgıtlerımız marebege …şehitlıkke…
Onsekız May ‘ kırk dortınde
Tatar halqı vay, surgunde !
Putun millet surgun bola,
Şo Kırım’dan tatar cöytıla !
Oz kulunden tırılgen kuş
Milletımız boldı sonsuz !
Bırleştırdı bıznı surgun,
Qaytıp keldık epımız bugun !
Vatanımız bızım Qırım !
Dobruca’da bugun kene tatar bar !
Vatan cölın qarap adım atalar !
O balaban Turkiye’de bar kop tatar
Sınırların aşılmasın olar beklep turalar !
Tarı bızdiy şaşılğandır armanğa
Bekliycekmız qaytu kunun Vatanğa !
Bıznı Vatan cöytmayım dep şaqıra,
Şehitlerın yıldızları kok ustunde cayıla.
Vatan bekliy tatarlarnı,bıznı Vatan arzıla !
