21 Fevral Ana Tili Künü
ANA TİLİ ‒ VATAN TİLİ
Dünya Kırım Tatar Dernegi 21 Fevral künü Dünya Ana Tili qayd etile.
Qırımtatar Ana Til gününü hayırlayman. Ne mutlu bizge ki böyle bülbül ana tilimizge sahipmiz. Sahipmiz de aceba tolusu ile mi? Psihologlar balalar 5 ayğa qadar qaysı tilini eşitseler o tilni ezberlegenini aytalar. Onuñ içün til terbiyesi taa ana qarnında başlamağa kerektir. Ebet milletimiz nice zorluqlar çekip tilini ne yazıq ki yoq olayatqan halğa qoyğan edi. Ama çoq şükür şimdi daha çoq buna qıymet kesemiz. Ana tilini bilmege bu bir moda degil bu her kün hayatınıñ kerekçesidir, bir normadir. Milletimizniñ mentaliteti eñ başta dinimiz,soñra tilimiz kösterebile.İnsan ecnebî tillerni bilse pek yahşı, faqat ne tilde laf etse o halqqa aittir.Ya siz turmuşta hangi tilde laf etesiñiz? Özümüznü halq olaraq hürmet etsek kimligimizni qorumağa kerekmiz. Çünki eger tilimizni coysaq zayıf millet kibi yavaş-yavaş yer yüzünden silinecekmiz. Tabi qırımtatar halqı tirenmege ve çalışmağa bilgen bir millettir.Onuñ içün ana tilimizni sayıp,sevip Vatanimizda yaşatayıq sonsuzğa qadar. Ana tili künü hayırlı olsun, qıymetli milletimiz.
