POLONİYADA «QIRIM HANLIĞI ORDUSI» KİTABI ÇIQTI
Qırımtatar tarihçısı, Şihabeddin Marcani adına tarih institutı (Qazan ş.) Qırım ilmiy merkeziniñ ilmiy hadimi Amethan Şeyhumerov Qırım hanlığı ordusu mevzusında dissertatsiya (tezi) yazıp, «Qırım hanlığı ordusı: teşkil etilüvi ve taktikası (XV-XVIII)» adlı kitabını çıqardı. Bu künlerde ise şu kitap Poloniyada leh tiline tercime etilip, ayrı kitap («Armia Chanatu Krymskiego. Organizacja i taktyka (XV–XVIII w.))» olaraq INFORTeditions neşriyatı tarafından basıp çıqarıldı.
Tarihçı Amethan Şeyhumerovnı yañı kitabı çıqqanı munasebetinen hayırlaymız. Bu kitap ileride qırımtatarca ve türkçe basılır degen ümüttemiz.
Şimdi tarihçı aytuvlı serasker Toğay bey haqqında yañı kitap üzerinde çalışmaqta.
