Qırımtatar Tilinde Tezaytuvlar
Ocaq başında qartanay
Çorap, şalğa yün taray.
Qara sığır balasını yalay,
Anam babama çorap yamay.
Qartbabam qarğanı
Qoradan quvdı,
Qorqudan qart qarğa
Qanatın qırdı.
***
Qarçığa qarşında
Qarılğaç qanatı
Körünmegen küz künü
Kemal Kerimni Kiçkene köyünden
Ketirip, qarçığa qarşında
Qaldırıp ketken.
***
Qırq quluplı qup,
Qulupı qırıq qup.
***
Qara qarğa
Basqan boğa.
Uça çapa
Sanki yorğa,
Benek benek izçikleri,
Tizilerek kete qırğa.
***
Quşçıq bödene
Armut dügene,
Uça bödene
Armut yegene.
***
Torğay torğaynıñ
Közün çoqumaz,
Çoqur ise de
İç kimse duymaz.
Duyğanda qazarmı
Oña bir çuqur?
Adeti şay onıñ
Epsi bir çoqur.
***
Sıq elek,
Siyrek elek,
Yepelek yepelek,
Uç köbelek.
