Çal atımnıñ tırnağı-Qırımnıñ çöl yırları

Çal atımnıñ tırnağı,
Kümüşten nalı,
Bekar qalğan cigitlerniñ
Ne bolır alı.

Çal atımnı nallattım,
Urdırdım bızğa,
Caşlığımda sevda boldım
Bir totay qızğa.

Çal atımnıñ tırnağın,
Urdırdım taşqa,
Totay qıznıñ aruvlığı
Alemden başqa.

Çal atımnı nallattım,
Aydadım tuzğa,
Menim toyım kene qaldı
Kelecek cılğa.

Memba http://qirimtatartili.blogspot.com/search/label/Q%C4%B1r%C4%B1mn%C4%B1%C3%B1%20%C3%A7%C3%B6l%20y%C4%B1rlar%C4%B1