ÇIBEREK

Bitam pişire çiberek,

Sayıñ, oña ne kerek?

Un kerek, –

Et kerek,

Yag kerek.

Tuznen birge-beraber,

Soğan kerek ve biber.

Hamır ve qıyma qonada,

Aytıñ, ne kerek daa?

Elbette, kerek eñ azdan –

Oqlav, çığırıq ve qazan.

Kerek ocaqta küneş –

Sıcaq alevli ateş.

Çır-çır çırılday çiberek,

Aytıñ, oña kim kerek?

Bitamnıñ torunı kerek,

O, aşaycaq çiberek!

Nuzet Ümerov

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest