Şükri Appaz

Milletperver, vetanperver şair Şükri Appaz, 1951 senesi mart 18-de Özbekstannıñ Samarqand velâyetindeki Aqtaş qasabasında doğdı. Onıñ ana-babaları da, doğmuş qırım milleti kibi cezağa (repressiyağa) oğratılıp, o facialı ömürniñ bütün acısını tattılar. Olar, Allanıñ ikmetile sağ qaldılar ve aynı zamanda kene Allanıñ iradesile, aqiqatta qırımperver evlâtnı – şairni, Şükri Appaznı östürip yetiştirdiler.

Büyük Mevlâm tarafından ediye etilgen qudretli bilgini – istidatnı Şükri Appaz köz bebegi kibi aybetley. Bütün bilgisini – istidatını cümertlikle bir tamam Vetanına, onıñ tekrarlanmaz aenkine bağışlay. Neticede, mücizeviy Vetan aenki üstüne daa ziyade aenk qoşula… Bu da aqiqat!

Bugün de-bugün, Qırım milliy nazmiyetiniñ iri vekili – zamandaşımız Şükri Appaz azretleri baba-dede yurtunda – Vetanı Qırımda yaşay, bütün boş saniyelerini icadqa bağışlay. O, bir qaç şiirler cıyıntığınıñ müellifidir. “Az yazsa da, saz yaz”ğan şair, özüniñ dünyeviy felsefesi ile suvarılğan nazm eserlerile, cian edebiyatı hazinesiniñ zenginleşmesine ep qoşıp kelgen issesine Haq Taalânıñ kendisi yardımcı olsun.

Memba : Leyla Emir

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest