ŞANLI AZAPLAR

Azap degen türk ordısı qurğan koyın sırtında

2012 – de bız oturtamız tarih içün taştan qaya.

Dünya ustı guldesteler açılğan Azaplar’da

Bız bo yernı merkez ettık öz milli dünyamızda!

*****

Koy balaban, baylar ketıp mekteplerde oquylar

Dobruca’nı em Qırım’nı Tatarlıqqa baylaylar.

Istambul’man Berlin colı Azaplar’dan başlana

Mında kelıp toplaşalar – Vatan Dava canlana!

*****

Ozenbaşlı qaşıp kele binden fazla tatarman

Men olarnı sıpra, bostan, torıme de salarman.                                                                                                                      Toylar bola, bayram kele tılge-dinge sarılıp

Avrupa’ğa qolın sala, col aşıla, Azaplar’nı tanıtıp!

*****

Dertlı zaman marebenın sonın bızge bağışlay,

Komunistler cerleşkende, koyde tatar qaltıray!

Bulut qara, carıq söndı, kun batar hep uzadı,

Bırıncıde koy balası Necıp Şehit qapaldı!

*****

Yuqlay şımdı mezarından bızge quvet bağışlap,

Öz koyınde canıp-söndı, Vatan uşın cabalap!

Onın colın tutqan aydın, erkek, hanım mahpuste,

Tatarların milliy cenkı Dobruca’da şay pıte…

*****

Mustecep, Osman Nuri, Salya, Mendu, Şevket, Sultan,

Malık, Şaip, Teufik, kiyevler, Anıs oca, Azaplardan!

Bızde bugun – bala, torun, tarih colunda barmız,

Olar için , millet için, Vatan için – ABIDENI quramız!

şanlı azaplar

2015 cılında Romanya Demokrat Tatar / Türk Musulman Dernegınde men Azaplar koyıne resmi temsilci boldım. Dobruca’nın haritasını bıldırmege mecburman AZAPLAR’nı tanıtmaq niyetımen. Şımdı oğa Tataru dep aytıla ve Komana koyıne bağlı, Kostencı / Köstence iline 60 kilometre, Bulğaristan sınırına yaqın.. 2016 cılında ekı kitap tanıtıp bastırdım, bırısı tatarca, bo Azapların tarihına dair, ekıncısı romence, Azaplar / Tataru dep. Kitaptaqı bolımlernı saylap Azaplarnı dünyamızğa bıldırmege tuşundık. çünkü koy merkez -koyı bolıp Istanbul- Qırım- Berlin-Varsava collarında dünya liderlerımıznı topladı.Bırıncı toplantı pazar kunı 22 Qasım 2015 te Edebiyat ve Tarih Toplantısı bolıp  başlandı. Konular Merkez koyın tarihı;  Necıp Haci Fazıl kım edı; Şalaşım, QırımTatar durkısı.   

guner akmolla
guner akmolla

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest