Qırım müsulmanları Mirac gecesini qarşılay
Qırımda Musulmanlar Mirac gecesini qayd etecek. Qadir gecesinden soñ musulmanlar içün eñ müim gecelerden biri sayılmaqta.
Bu gece Muhammed Peyğamber (s.a.s.) kökke seyahatnı keçirip, cennet ve ceennemni kördi, evelki peyğamberlernen körüşti. Mirac gecesiniñ eñ müim hususlardan biri, beş vaqıt namaznıñ farz qılınmasıdır.
Bu gece dua ve Quran oqumağa, Peyğamberniñ (s.a.s) mücizeviy yükselüvi aqqında ikâyelerni aytmağa ve diñlemege tevsiye etile. Muhammed Peyğamberimizniñ sahabesi Salman Farisiniñ sözlerine köre, Peyğamber böyle dedi:
“Recep ayınıñ hususiy bir künü ve gecesi bar ki, bu aynıñ yigirmi yedinci gecesidir. Bu künni orazanen, geceni ise ibadetlernen keçirgen sanki yüz yıl oraza tutqan ve ibadetlerni qılğan kibi olur”.
QMDİ MDT matbuat hızmeti
